العزومة
خطيبة اخويا رنت عليه وقالتله انهم عازمينه عندهم بكرة قالها تي مانتي عارفة اني عندي شغل قالتله لا لازم تيجي قالها خلاص هنزل نص يوم واجيلكم هو مبير عند خطيبته غير لما بياخدني انا واختي معاه.
روحنا اخويا متعود عليهم جدا وهما متعودين علي اخويا جدا ف اول ما بيدخل يقول لأخوها يا نسيبي ويقول لباباها ازيك يا يا ومامتها يا وبيبقي فرحان جدا وسطهم وهما كانو بيحبوه جدا.
دخلنا وقعدنا اتغدينا وبعدين واحنا قاعدين بنشرب الشاي راح بباها قال لأخويا منه عايزة تقولك حاجة راحت منه قالتله احنا مش هينفع نكمل وكل شيء اسمه ونصيب.
المهم اخويا من الاستغراب بصلها شوية وبعدين مسك كوباية الشاي وبص علي ال اللي شغال ف انا بقولها ليه ايه اللي حصل قبل ما ترد اخويا قالي اكيد عندهم اسبابهم المنطقية اللي تخليهم يحطوني ف الموقف ده كملو يبنات الشاي علشان نمشي بباها قاله ي ولا موقف ولا حاجة ده نصيب اخويا قاله طبعا يا عمي نصيب انا بس عايز اسألك هل السبب اني عملت حاجة غلط قاله لأ ي حاش لله الفكرة كلها انـ
راح اخويا ه وقاله بس كدة بما ان السبب مش اني عملت حاجة غلط ف انا مش عايز اعرف السبب ومش همسح رقم حضرتك اكيد وضحك وقالو يلا سلامو عليكم وقالنا يالو يبنات.
الكلام ده فات عليه بالظبط 13 يوم ولقينا بباها منزل علي الفيس انه تمت خطبة ابنتي وعامل منشن لواحد كدة ابن قرايبهم ولقيت اخويا عامل ريأكت Love علي الصورة وكاتب لباباها الف مبروك وربنا يتمم علي خير.
اخويا صعبان عليا جدا لأنه شقيان يا حبيبي جدا عليا انا واختي وعامل جمعيات وجابلها ال وكان عامل فيها تعديلات زي ما هي كانت عايزة والحيطان كان عامل عليها ديكورات بأسمه واسمها وبقاله اربع سنين طالع عينه ممشي البيت وبيجهزني انا واختي وبيعمل ف ال بتاعته وكل ده من المعاش اللي ماما بتاخده والشغل بتاعه ودي جاية ف اخر الطريق لما عمل كل ده تقوله النصيب ومش عارفة ايه لا ومكملتش اسبوعين واتخطبت طب استنو شوية علشان ميبانش انكم استعجلتوا فرصة احسن من اخويا.
وه حبيبي وزعلوه جدا هو عامل انه مش فارق معاه بس انا عارفة اخويا وحقه يزعل علي اربع سنين شقيان وعلي ايديهم قالهم انا ظروفي ومحتاج وقت علشان عندي بنات بردو وهما كانو مرحبين جد بالفكرة علشان يلحقوا يجهزوها
طول عمره هو اللي بيطبطب عليا ويطيب خاطري لكن انا حاولت كتير ومش عارفة
