متجوزة ولد وحداني على بنتين
بالله عليكي نزليها بسرعه انا منهارة
السلام عليكم
ازيكم ي بنات خالتي♥️
دلوقتي انا متجوزه من سنتين ولد وحداني ع بنتين
الكبيره متجوزه والصغيرة لسه
حماتى صحتها كويسه وبتعمل كل حاجه عادي مش محتاجان
ف انا على مدار السنتين دول كنت بنزل ع الساعه ٩ اعمل الفطار واعملها اللى هي عاوزاه وبعدين اطلع شقتي مثلا
للعصر وكانت تفضل تسالني قاعده فوق لى مش تنزل تشوفى هناكل اى وكده ونا عادي بنزل واعمل وخلاص
وكان بيحصل ديما بينا خلاف اني ليه بنام مثلا لعشرة هو حد بينام لعشرة ؟؟ ده جيرانا بيصحو من سبعه!!!
وحتي لما خلفت نفس الكلام يعني مفيش مراعاه لاني بصحى ٣ او ٤ مرات ارضع يعني مش نايمه طول الليل
جات انهارده زعقت فيا جااامد عشان نازله متاخر ف طلعت شقتي وجوزي زعق فيا وقالى متنزليش تاااني انهارده وونا ف المطبخ سمعتها بتشتم عليا انا وجوزي لبنتها الكبيره ف الفون واكتشفت اصلا ان كلللل حاجه بتحصل ف البيت سواء حلوه او وحشه بتجرى ع الفون تتصل ببنتها وتقولها بالتفصيل كل حاجه.. وطبعا بناتها بيضايقوني بطريقه كلامهم معايا.. انا ممكن ارد وازعلهم بردو بس بعمل بالاصول عشان ضميري قدام ربنا ونيتي وعشان جوزي بردو مش مقصر معايا ابداا
انصحوني … افضل معاهم 👍
اقعد لوحدي ♥️
