رواية جوزوني عجوز (جميع الفصول كامله) بقلم الكاتبة هويدا زغلو
ندي _ بجد يا اسلام انا مش عارفه اشكرك ازاي وعايزه اقولك كمان والله اللي حصل ده كان غصب عني انت عارف بابا
اسلام _ ما بقاش ينفع الكلام ده خلاص يلا سلام وبعدها قفل السكه وانا فضلت افكر
اعمل اي وبعدها كلهم كانوا قاعدين تحت
وانا لبست فستان احمر قصير وبعدين نزلت
دعاء _ايه يا بنت انتي اللي نازله بيه ده ان شاء الله
ندي _ مالك يا دعاء هو في حد غريب ولا ايه ده احمد ابن جوزي يعني انا في مقام امه وجوزي ومراته اللي قاعدين ولقيت مصطفي قام وقف
وقال
برضه كده
دعاء _ الله عليك يا حمايا انت بتبسبس
مصطفي _ وهو انتي مالك يا دعاء ما هي كلامها صح برده احمد ما ينفعش يتجوزها فعادي يعني تعالي يا ندى اقعدي جنبي
ندي _لا يا حبيبي انا عملت العشا فوق وقولت انزل اخدك علشان نطلع نتعشى سوا يلا بينا
ندي _ اوعى تتاخر عليا يا مصطفى ده انا عامله ليك حمام وبعدها طلعت
دعاء _ جرى ايه حمايا في ايه البنت دي عايزه تشتغلك النهارده خرجت من وراك وشكلها كده خايفه ان انا اقولك فعملت كده
مصطفي _ ومين قالك يا دعاء ان هو من ورايا هي اتصلت بيا وقالتلي وانا قولتلها ماشي وراحت بيت ابوها وانا اتاكدت من الكلام ده بنفسي طلعي نفسك من الحوار ده بعد اذنكم وبعدها
دعاء _حماتي هو انتي هترضي على المهزله اللي بتحصل دي
كوثر _ اشربي يا كوثر مش ده اللي كنتي عايزه شوفي بقى البنت دي هتعمل فينا ايه الفتره الجايه
وفي شقتي طلع مصطفي وشاف الاكل والشموع وقال
مصطفي _ معقول كل ده علشان خاطري انا مش فاهم انتي عايزه ايه بالظبط
ندي _ عاوز ايه يعني عايزه جوزي حبيبي يعيش معايا في نفس الشقه ايه المشكله
مصطفي _ انا عارف انك مش بتحبيني بس مش فاهم انتي ليه بتعملي كده دلوقتي
ندي _ اسمعني يا مصطفى احنا كده كده خلاص اتجوزنا وانا مش عارفه اعيش كده لوحدي
لازم احاول اقربك ليا علشان خاطر نقرب من بعض
مصطفي _ اوعدك يا ندى هعملك كل اللي انتي عايزاه والله اي حاجه نفسك فيها شاوري عليها بس وبكره تبقى عندك
ندي _ مش عايزه في حياتي غيرك ربنا يخليك ليا يا مصطفى يا رب وتاني يوم نزلنا شقه كوثر
ولقيت دعاء قاعده ومصطفى قال
مصطفي _اسمها ايه يا دعاء اي حاجه ندى تطلبها النهارده تعمليهالها على طول انتي فاهمه ولا لا
دعاء_ فاهمه يا حمايا بس ممكن نتكلم شويه بس انا وانت
مصطفي _مش فاضي لما ارجع نبقى نتكلم زي ما انتي عايزه سلام عايزه حاجه يا ندى اجيبها ليكي وانا طالع
ندي _ عايزاك تيجي ليا بالف سلامه يا حبيبي
وبعدها نزل ادخلي يلا يا دعاء اعملي ليا كوبايه نسكافيه عايزه اروق دماغي شويه
دعاء _ لسه الجوله بيننا ما خلصتش ماشي
وبعدها دخلت المطبخ وكلمت اسلام
اسلام $خير يا مدام دعاء في حاجه ولا ايه
دعاء _ هو في ايه بالظبط انت ما عملتش اللي احنا قلنا عليه ولا ايه اسلام انت لازم تاخد حقك من البنت دي وفي الوقت ده انا سمعتها وأحمد
دخل وقولت ليه
ندي _ معقول كويس قوي ان انت جيت دلوقتي انا كنت طالعه ليك الشقه
احمد _خير يا مرات ابويا عايزه ايه
ندي _ عايزاك تدخل المطبخ دلوقتي وتسمع مراتك بتتكلم مع مين انا سامعه بتتكلم مع راجل
احمد _بطلي شغل ده بقى انا عارف ان انتي مش بتحبي دعاء
ندي _ادخل وشوف بنفسك وبعدها دخل
وهي كانت خلصت تلفونها وهو مسك الموبيل
وشاف رقم اسلام وقالها
احمد _ رقم اسلام صاحبي بيعمل ايه عندك يا دعاء وبعدها قالت
جوزوني عجوز
الحلقه الاخيره
بقلم هويدا زغلول
وفي الوقت ده دعاء قالت
دعاء _ اسلام اسلام مين أنا معرفش حد
بالاسم ده
