رواية جوزوني عجوز (جميع الفصول كامله) بقلم الكاتبة هويدا زغلو

مصطفي _جرى ايه عروسه هو احنا هنفضل واقفين كده يلا علشان ناكل وندخل. وانا كنت 
خايفه اوي 
وفي شقه احمد جوز دعاء كان قاعد 
ودعاء طلعت اقعدت وقالت 
دعاء _ شوفت ابوك واللي عمله ده انا مش عارفه ابطل ضحك من الصبح

دعاء $ شوفتي حماتي الموضوع بيضايق ازاي كنت عماله تزني على جوزي عشان يتجوز عليا عشان يجيب الواد انا اللي خليت جوزك يتجوز عليكي
كوثر _ منك لله يا دعاء وهخلي جوزك يتجوز عليك ويطلق-ك ويرميكي في الشارع
دعاء _بكره نشوف يا حماتي مين اللي هيرمي تاني في الشارع
كوثر _ امشي غوري من هنا مش عايزه 
اشوف وشك، وبعدها بكام يوم 
كنت وافقه المطبخ بعمل اكل ولقيت مصطفى دخل وقالي
مصطفي _ بقولك يا ندى انا الفتره دي هبات تحت في شقتي الثانيه برده هي ام عيالي ولازم اكون معاها
ندي _ براحتك اعمل اللي انت عايز تعمله
مصطفي _ نسيت اقولك صحيح من هنا ورايح مش هيبقى في اكل في شقتي كده الاكل وكل حاجه هتكون تحت عند ضرتك 
ندي _انا مش عارفه اقعد معاها تحت بعد اللي حصل ده خليني هنا في شقتي احسن
مصطفي _ اسمعي يا ندى كلامي كويس قوي انا بحب لما اقول على حاجه تتنفذ من اول مره ما بحبش افضل اتكلم فيها كثير 
ندي _تمام حاضر اللي تشوفه هعمله
وبعدها نزل وانا فضلت اعيط وبعدها دخلت الاوضه وكلمت اسلام 
اسلام _ عايزه ايه مني تاني يا ندى بعد اللي عملتيه انا خلاص عرفت انك اتجوزتي
ندي $ بجد انت ما تعرفش حياتي بقت عامله ازاي انا متجوزه واحد قد ابويا ومخنوقه قوي بس انت السبب في اللي حصل ده
اسلام _ لا مش انا السبب كنت تقدري تقفي قدامه وتقولي انك مش عايزه الجوازه دي بس انتي جبانه ما تقدريش تعملي كده
ندي _طيب ممكن تسمعني بس يا اسلام انا عايزه اتكلم معاك شويه
اسلام _ اياك اشوف رقمك على تليفوني تاني ما تعرفيش انا هعمل فيكي ايه وبعدها قفلت 
السكه وفي الوقت ده لقيت حد بيخبط على الباب ورحت فتحت وكانت دعاء 
دعاء _ جرى ايه حلوه جوزك نزل وانت لسه قاعده في الشقه وما قالكيش اللي هيحصل بعد كده ولا ايه 
ندي _ ارجوكي يا دعاء انا اللي فيا مكفيني بلاش طريقه كلامك دي حاضر انا نازله اهو
دعاء _بسرعه علشان جوزي احمد عازم واحد صاحبه على الغداء انهارده ولازم نكون مخلصين الاكل كله
ندي _ ماشي جايه واراكي اهو