جوزي وصاحبه كامله بقلم هويدا زغلول

هند وكتبوا الكتاب هي وهشام وراحو شقته وعيالها فضلو عند امها وفي شقتهم هشام قال لهند 
تعرفي ان النهارده أجمل يوم في عمري كله ياهند عشان اتجوزتك
هند 
وانا كمان ياهشام والله انت عارف كنت عمال اقول لنفسي هو ازاى واحد زي هشام ده شاب وحليوه ومعاه فلوس وكده واي واحده تتمناه يبص ليا انا ويتجوزني
هشام  
عشان انتي اجمل واحده انا شوفتها في حياتي ست بيت شاطرة وانسانة رقيقة وحلوه كده وشكلك بنت ناس ومكنش ليكي الجوازه اللي فاتت دي خالص ياهند
هند 
نصيبي بقا ياهشام انا شوفت معاه ايام سودة اوي كنت بنام طول الليل دمعتي على خدي بسبب اللي كان بيعمله فيا تخيل لما كان ابني يبقا عايز لبن عشان يرضع واجي اطلب منه يقوم يقولي مفيش فلوس مع انه معاه بس هو بخيل ومعفن
هشام 
ياساتر يارب هو في واحد هيستخسر يجيب لابنة لبن عشان ياكل ده اسمه كلام برضو هو في كده في الدنيا
هند 
شوفت بقا ابني كان بيفضل يعيط طول الليل عشان جعان وهو كل همة انه يحوش الفلوس وبس ومش مهم بقا الواد اكل ماكلش مش مهم
هشام 
خلاص بقا ياحبيبتي بلاش تقلبي المواجع على نفسك وتنكدي على نفسك كده خلاص انسي
هند 
انا بحاول انسي والله اهو انت اصلا نستنى كل حاجة ياحبيبي انتي
هشام 
هو لو سافرت تاني هيبقا في مشكلة ياحبيبتي بالنسبة لك عشان انا كنت بفكر ارجع أمريكا عشان شغلي هناك
هند 
ياسلام وده بقا هيبقا امتى ان شاء الله لااا انت لازم تفضل معايا شوية انا عايزاك جنبي علطول ااه مقدرش استغني عنك
هشام 
وانا كمان مش هقدر استغني عنك بس انا شغلي هناك وهما بعتو لي بس انا قولت لهم يعني شوية كده وهاروح لما اشبع منك شوية ياقمر انتي
هند 
انا كمان عايزة اشبع منك ياحبيبي اشبع منك اوي
وعدي الايام وهند عايشه هي وعيالها في سعاده مع هشام وفي يوم راح له أمير صاحبه وهند فتحت له الباب وقالت له 
افندم حضرتك عايز مين
أمير 
مساء الخير مش دي شقه هشام محمود برضو ولا انا غلطان في العنوان
هند 
ايوه هي شقة هشام وانا المدام بتاعته اي خدمة
أمير 
ابن اللذينة ده اتجوز ومقاليش طيب ينفع كده برضو اكيد طبعا عمل كده عشان يداري عننا القمر ده كله ومش نحسده طبعا
هند 
هو مين حضرتك وعايز ايه بالظبط
أمير 
انا امير صديق هشام ياستي وعشر عمر وبقالنا سنين كتير مع بعض في أمريكا بس هو نزل قبلي وسابني هناك لوحدي
هند 
اهلا وسهلا بيك اتفضل هو هشام نايم جوه اتفضل وانا هدخل اصحية اتفضل
أمير  
بس الخلبوص ده مقالش انه اتجوز وخبي عليا ينفع كده يامدام
هند 
اصل الجواز جه بسرعه كده يمكن هو ملحقش يقولك ولا حاجة معلش اعذرة اتفضل وانا هدي له خبر
ودخلت هند تصحي هشام وخرج من جوه وقال 
اميييير حبيب قلبي وحشتني يامعلم والله
امير 
انت كمان وحشتني ياندل بقا كده يااض انت تتجوز من ورايا من ورا اخوك لا لا انا زعلان منك بجد زعلان
هشام 
معلش ياميرو اصل كل حاجة كده جات بسرعه والله ملحقتش اقول وبعدين انت كنت هتنزل يعني من امريكا مخصوص عشان تحضر كتب كتابي ياعم قول كلام غير ده
امير 
عيب عليك ياصاحبي ده انا اجي لك من المريخ انت اخويا يابني في ايه بس على العموم مبروك ياحبيبي العروسة زي القمر وتستاهل
هشام 
ههههه انت عارف طول عمري زوقي يجنن يابني ولا انت عندك شك في كده
أمير 
طبعا طبعا انت هاتقولي على زوقك طبعا
ودخلت هند بصنية العصير وقالت 
اتفضلو العصير
هشام لا عصير ايه ياهند أمير هيتغدي معانا النهاردة اعملي حسابه بقا عشان الواد راجع من امريكا وعايزين ندوقه الاكل المصري
هند 
من عنيا الاكل على الڼار اصلا على ماتشربو العصير هيكون جاهز
هشام 
ايوه كده تسلم ايدك مقدما ياحبيبتي
أمير 
ياعم مش عايزين نتعب العروسة معانا هو انا جاي عشان اتعبها ولا ايه
هند 
مفيش تعب ولا حاجة وبعدين انت منورنا يا استاذ أمير عن اذنكم هدخل اشوف الاكل
وسبتهم ودخلت وامير قال لهشام 
باين عليها بنت حلال بس شوفتها فين دي
هشام قال 
الجزء التالت
هشام قاله
هند مطلقة ومعاها ولدين يا أمير يعني انا متحوزها وهي مش بنت ولا حاجة عشان تبقى عارف يعني
أمير
اوباااا طيب وايه يابني اللي زنقك في الجوازة دي بقا ان شاء الله شاب زيك زي الفل معاه فلوس ومش ناقصه حاجة ايه اللي يخليه يتجوز جوازه زي دي
هشام
اللي حصل يا أمير هعمل ايه شوفتها تعلقت بيها وحبيتها ومقتدرش ابعد عنها فتجوزتها بس الشهادة لله هي مش مخلياني محتاج حاجة ابدا قايمة بدورها على أكمل وجه ومقصرتش
أمير
امممم ماشي ياعم ربنا يسعدك بيها
ودخلت عليهم هند وقالت
الاكل جاهز ياهشام اتفضلو يارب بقا الاكل يعجبك يا استاذ أمير انا جوه ياهشام او احتاجت حاجة ابقي نادي عليا
ودخلت جوه الاوضة وامير اكل وقال 
الله ايه ده الاكل تحفة بجدد والله تسلم ايديها المدام ياعم هشام
هشام 
بالهنا والشفا يامعلم كل بقا وخلص امل وتعالي ندخل نتكلم شوية
وخلصوا اكلهم و دخلو جوه في الانترية وهشام قال لأمير 
اخبار الشغل ايه هناك يا أمير انا بفكر ارجع قريب الناس هناك اتصلو بيا وعايزيني اروح تاني
أمير 
انت عارف هما هناك مش هيقدرو يستغنو عنك ياهشام وهما بصراحة طلبو مني اني اقنعك انك تسافر تاني
هشام 
انا اصلا كنت بفكر في السفر قبل ما انت ترجع ومرتب نفسي اني هسافر على هناك
أمير 
خلاص يبقا تروح وانا شوية قاعد هنا في مصر وهحصلك بس المدام هتوافق بقا انك تسافر وتسبها
هشام 
والله انا طبعا قولت لها وهي وافقت المهم بس انا عايز احجز على الشهر الجاي ان شاء الله كده ونشوف
أمير 
ان شاء الله ياحبيبي ربنا يقدم لك اللي فيه الخير
وعدت الايام وهند اكتشفت انها حامل وقالت لهشام اللي فرح وقال لها 
انا دلوقتي مش عارف هسيبك ازاى يا هند باللي في بطنك ده غير ولادك انتي هتستحملي لوحدك ازاى
هند 
متقلقش عليا ياهشام انا هاخد بالي من نفسي كويس المهم انت ترجع شغلك وتشوف حالك هناك
هشام 
على العموم انا هسيب أمير هنا هو هياخد باله منك ويراعيكي واي حاجة تطلبيها تطلبيها منه وهو مش هيتاخر عنك أمير ده اخويا
هند 
انا بصراحة لاحظت عليه انه بيحبك اوي يا هشام وعرفت اد ايه هو بېخاف عليك وبيحترمك
هشام 
امير ده صاحبي وعشرة عمري وصديقي الصدوق انا مطمن عليكي وانتي هنا لوحدك هو هياخد باله منك
وبعدها بكام يوم هشام سافر وفضلت هند في شهور الحمل بتاعها والايام تعدي وهي حامل وهشام يبعت لها فلوس كتير وفي يوم امير قال لها 
الفلوس اللي بعتها هشام اهيه المره دي بعت مبلغ محترم انا بقول ايه رايك لو الفلوس دي تشتري بيها أرض او بيت أو فيلا
هند 
طيب وهشام يا أمير ماهو لازم اقوله برضو مش كده ولا ايه
امير 
لا طبعا ياهند مش لازم انتي اشتري واكتبي اي حاجة باسمك انتي وخليكي ناصحة وبعدين ماهو فلوس هشام هتبقا في حاجة أمينة لما تشتري حاجة تبقا
ملكك هو مش هيزعل ولا ايه
هند 
صح عندك حق انا هعمل كده بس لما اولد بقا عشان اقدر اتحرك كده وكده صح ولا ايه
امير 
صح