سواق اوبرا كامله ـــ بقلم هويدا زغلول
جوزي اللي انتي جوزتيهولي وكمان عايزاه يروح يدور على شغل كويس قوم لما يلاقي تتخلي عنه كده لا لا يا نادية انا زعلانه منك
نادية
والله انتي شكلك انتي اللي هتغرقينا ماشي انا موافقه ادي له الفلوس بس بشرط يكتب لي وصل أمانة بالمبلغ ولا اقولك هو يكتب العربية باسمي انا عشان لو حب يعمل عليا ناصح ومدفعش الفلوس
وفعلا قالت لسمير على موضوع العربية يبقا باسمها وقال
نادية
طيب ماتبقى باسمي وتشتغل عليها ياضنايا هو مش اللي بيشتغل على تاكسي مش بيبقا هو صاحب التاكسي ومش باسمة يعني عادي متعملش عليا ناصح ياسمير
سمير
خلاص ياحماتي اللي تشوف بس اهم حاجة اننا ننزل نشتري بكرة علطول عشان الحق ادخلها الشركة واشتغل عليها
ماشي الفلوس هتكون حاضرة بكره الصبح ونروح نجيبها انا وانت ومراتك
سمير
اللي تشوفيه ياحماتي
وبعدها بيومين سمير جاب العربية ودخل بيها شركة أوبر واشتغل فيها واول واحده طلبتة كانت ست شكلها مش مظبوط وقالت له
انت أوبر ياخويا
سمير
تحت امرك يافندم
وركبت معاه وقعدت جنبه وكانت زي ماتكون سكرانه ومش مظبوطة وقالت له
سمير
حاضر يافندم
ومشي سمير وبص عليها لاقها ماسكة المرايه وعماله تحط روج وراحت قالت له
ايه انا عجبتك ايه رايك
فيا
سمير بكسوف
انتي مشاء الله
عليكي يافندم ست حلوه وجميلة
الست
ااه بس مليش حظ ياعنيا مع الرجاله كل راجل اتجوزه ياخد اللي ياخده مني ويطلقني بعد كام شهر
على كده بقا انتي اتجوزتي كام مره
الست
هيهيهي مبعدش ياجيمي هيهي ده انا دوبتهم كتيشير اوي يلا بلا هم كتهم نيلة الا قولي انت متجوز
سمير
احم ايوه الحمد لله
الست
امممم ومعاك عيال بقا وكده
سمير
ااه معايا ولد صغير لسه بيرضع
الست
اممممم ربنا يخلي بس انت شكلك صغير اوي وحطت ايديها على شعره وقالت
سمير اتكسف وقال لها
احم انا ااا متشكر يافندم كلك زوق والله على فكرة احنا وصلنا المكان اللي انتي رايحاه
الست
ايه ده بسرعه كده يااه ده انا محستش بالوقت معاك يا كابتن سمير
