جدي

ياما اراضيك اللي حصل كده يا اما ده يحصل يا اما ترمينا في الشارع تاني
سهير
لا يا عين امك انت جايه تخربي عليا وابوك اللي وزك على كده متغاظ اول ما النهار يطلع روحوا مطرح ما جيتوا
هاله
ليه ياما بس كده ده جدي بيشغلنا شحاتين
سهير
شحاتين ڼصابين شيء ما يهمنيش ولا انتم تهموني من النهارده انتم تاخدوا بعضكم كده وتروحوا عند ابوكم ياكشي تخربي عليه زي ما عايزه تخربي عليا
يلا برا يا بت من هنا مش عايزه اشوف 
وشك تاني وبعدها اخد اخواتي وروحت ل بابا 
وفي شقه بابا دخلت مراته وقالت ليه
زيزي
قوم يا صبحي شوف خلفتك السودا جت
صبحي
في خلفه ايه يا زيزي مين اللي خبط علينا الصبح بدري كده
زيزي
ما قلت لك خلفتك السوداء انت ما بتفهمش يا راجل اطلع يا اخويا من الاوضه وبص
وبعدها خرج بابا واوول لما شافنا قال
صبحي
يا نهاركم اسود انتم عرفتوا سكتي منين
هاله
ايه يابا ما وحشناكش
صبحي
ما انتم قاعدين عند ابويا والراجل شايل لكم من على الارض شيل
هاله
وش عرفك ان هو شايلنا من على الارض شيل ده مشغلنا شحاتين
صبحي
ههه
ابويا لازم يطلع له باي سبوبه من اي حته والفلوس اللي بتطلع لكم مين اللي بياخدها
هاله
هي بابا مش هتدخلنا هنفضل واقفين على الباب كده
زيزي 
بقولك اي العيال دول مش داخلين البيت 
هنا انت سامع ولا لا لو فكرو يدخلوا انا همشي 
من هنا
صبحي
اصبري بس يا زيزي خليهم يدخلوا ونعرف الفلوس دي بتروح فين
زيزي
فلوس لو فيها بقى فلوس ادخلوا انتوا واقفين على الباب ليه
هاله
بابا مش هتسالنا احنا كنا فين وجايين منين
صبحي 
جايين منين دلوقتي هو ابويا كراشكو
هاله
جايين من عند امنا
زيزي
قلتي بقى امك العقربه دي هي اللي بعتكم زي ما جات زمان وفضلت ټشتم هنا وعملت لي زيطه وزمبليطه وقالت لي انت اخذتي الراجل من عياله ومراته
صبحي
روقي انت دمك بقى يا زيزي اخذتيني منها ايه هي دي مره حد يبص في وشها انا ما اعرفش الدهول اللي اتجوزها اتجوزها على ايه
زيزي
انا في الدهول لجوزها ولا في عيالك اللي جايين يخربوا علينا
صبحي
اصبري بس نعرف بس ايه الحكايه وابويا كان بيشغلهم ازاي والفلوس بتودوها فين
هاله
يابا هي كل اللي يهمك فلوس الشحاته بتاعتنا
زيزي
وبيطلع لكم كم كده في اليوم استنوا لما انزل السبت الراجل بتاع الفول معدي هجيب فول نفطر بيهم مع ان انا لسه ما نمتش لغايه دلوقتي ما انا باجي كل يوم وش الصبح
صبحي
ما تطلعي لهم حته لحمه من اللحمه المشويه اللي انت جايباها وانت جايه
زيزي
نهارك اسود يا راجل هو انا بشتغل وبعرق علشان اطفح عيالك ولا اي قول 
كده بقي يبقي انت اللي باعت 
ليهم علشان اصرف عليهم وبدل ما اصرف عليك 
لوحدك اصرف عليك وعليهم
صبحي
مش قصدي يا حبي انت تعملي اللي انت عايزاه واحنا كلنا هنا خدامين
قولي لي بقى يا بنت يا هاله الفلوس بتروح فين
هاله
جدي ما كانش معاه فلوس ياكلنا فاخدنا عند واحده اسمها بدريه كانت بتوقفنا في الاشارات ومعانا مناديل وشويه كانت قعدنا في حتت تانيه نشحت وكل يوم نروح لها في الحته اللي هي قاعده فيها وندي لها الايراد كله
صبحي
يعني بيجي لكم كم كده
زيزي
بتفكر في ايه يا راجل
صبحي
مش عارف لسه بدورها في دماغي مهلو بقوا شاطرين في شغلتهم دي نخليهم معانا وهو الرزق اللي يجي يوسع علينا دول بيقولوا بيكسبوا دهب ما سمعتيش عن الوليه الشحاته اللي ماټت اللي طلعت مليونيره
زيزي
بقول لك ايه
ما توجعش دماغي انا هاخد
بنتك معايا النايت كلوب من النهارده اهي تساعدني وتقلعني وتلبسني بدله الرقص وهيتساعد هناك