اخويا كل يوم _الاخيره

والقانون
ورجع كريم لشغله وحياته الطبيعية ونيره بقت تزوره كل فتره لحد ما في يوم في الشركه
كريم 
ها عملتي اي في شغلك 
نيره بحماس 
الحمد لله اترقيت وبقي الشغل والحالات الصعبه بتجيلي قبل ما تيجي لدكتور يحي انت مش متصور ماما فخوره بيا ازاي قولي انت عامل اى دلوقت
كريم بابتسامه
إن شاء الله هتحققي نجاح اكبر واكبر انا حاليا يا ستى زي ما انتي شايفه كده كل الورث والأملاك بقت ليا تعرفى انا مش فرحان ومش مبسوط كان نفسي يبقي حواليا اهلي وعيلتى واخواتى بس مفيش مشكله اقولك على حاجه اكبر تشربى اي 
ضحكت نيره بخفه 
ممكن لمون بالنعناع فريش دكتور يحي ده سبحان الله مش بينزلي من زور انت متعرفش حاول يضايقنى قد اى ويسلط عليا جوز خالتى بس الحمد لله وقفه عند حده كويس جدا
كريم 
كبرى دماغك منه هما كده لو لقوا واحده ست بتتفوق عليهم بيضايقوا اسأليني انا المهم صحيح فى صفقه مهمه اوى بالنسبه للشركه وهترجع تانى اسم الشركه بعد اللي حصل فيها اللي خلي الشركه فى الارض لو نجحت هرجع اكتسح السوق من اول وجديد
نيره بتركيز
كريم انت كويس مش كده
كريم مسح دمعه نزلت منه 
صعبان عليا البنات الي راحت بسبب غل وحقد اخواتى صعبان عليا اهاليهم اوى انا مش مصدق إن كل ده حصل لو كانوا عايزين الورث كانوا يقولولي وكنت سبتلهم كل حاجه بس البنات دي ذنبها اى
نيره بشفقه 
ربنا يرحمهم ويغفر لهم والحمد لله إنك فوقت قبل ما حد تانى يروح بسببها المهم ماما عازماك النهارده على العشا انا نسيت اقولك متتاخرش بقي باى علشان الحق اروح اجيب شويه طلبات
ابتسم كريم بهدوء 
حاضر بإذن الله مش هتاخر استنى هاجي اوصلك طيب
نيره 
لا لا تسلم يا غالي عربيتى برا يلا سلام يا غالي
ابتسم كريم وكمل شغله
بليل
الام 
خد يا حبيبى كل كويس لحسن انت شكلك تعبان خالص
كريم 
تسلم ايدك يا امي والله انا شبعت ده انا اكلت اكل مكلتهوش طول عمري
الام 
اخص عليك انت لقمتك خفيفه خالص كده طيب طيب انا مش هجبر عليك حاجه روح بقي انت ونيره البلكونه وانا جيالك بطبق حلويات إنما اى تحفه يا واد يا كريم
نيره بضحك 
ماما خدت عليك اوى ما دام قالتلك يا واد يا كريم كده تعال هوريك الزرع بتاعي
بعد ما راحوا البلكونه
نيره
بص انا بحب الزرع اوى بس مش لاقيه نوع زرع ھموت واجيبه الورد البلدى مفتقداه اوى
كريم بضحك
عارف مشتل كويس عنده انواع نادره هجيبلك منه اللي عايزاه
نيره بحماس 
بجد تسلم يا رجوله منحرمش منك
كريم بحب 
تسلمى يا نيره نيره بقولك انا بحبك وعايز اطلب
ايدك ها اي رأيك
الام وهي ماسكه طبق الحلويات و واقفه علي البلكونه 
لولولولولولولوللولووىىىىىى موافقه طبعا
ضحكت نيره بكسوف
كريم ابتسم بفرحه 
ها موافقه أنت كمان يا دكتوره نيره ولا اى
نيره بكسوف 
اللي ماما تشوفه
كريم بحب 
انا
متشكر اوي يا نيرا علي كل حاجة عملتيها بجد انا من غيرك مكنتش هبقي هنا انا بحبك اوى انتي الوحيده اللي صدقتييني
وفعلا اتجوزت نيرة كريم وعاشوا مع بعض في سعادة وبكدة خلصت قصتنا 
و السلام عليكم ورحمة الله وبركاته
تمت بفضل الله