جوز امي رماني في الشارع الحلقه الاولي بقلم هويدا زغلول

امان والله
شريف 
المهم اقعدي فكري معايا احنا نعمل اي 
انتي عارفه ان مرات عمي مش سهله واكيد 
هتكون عارفه ان دي لعبه معموله مننا عليها 
وفعلا اقعدت تفكر معاه
وفي اوضتي تاني يوم دخل سيد
سيد 
بت يا سحر سحر قومي يا بت وبعدها قومت 
من علي السرير وقولت
سحر 
هو انت ازاي تدخل عليا الاوضه كده مش المفروض تخبط وبعدين تخبط ليه مش مراتك 
برا
سيد 
بس هي عروسه ومش هينفع اخليها تعمل حاجه وانا جعان وانتي المفروض تشوفي طلباتي
سحر 
بقولك اي أنا مش هعمل ليك حاجه خلاص انت 
سامع ولا لا ولو عايز اي حاجه مراتك عندك تشوف طلباتك

سيد 
لا يا بت انتي اعملي حسابك لو فضلتي تقولي لا علي كل حاجه كده انا هتكلم مع أمك 
وبعدها دخلت الام
الام 
في ايه يا سيد مالك صوتك تعالي كده ليه انت عملتي ليه ايه يا بنت انتي
سحر 
تعالي يا ماما شوفي جوزك المحترم داخل عليا اوضه نوم وهو قاعد يصحيني كده عادي
الام 
وماله يعني يا حبيبتي لما يعمل كده ما هو في مقام ابوكي يعني انا مش شايفه ان هو عمل حاجه غلط
سحر 
هو انت ازاي هاديه كده يا ماما بقول لك دخل عليا اوضه النوم وكان بيصحيني وفردي انا نايمه براحتي يعني
سيد 
يا حبيبتي بطلي كلامك اللي انتي بتقوليه ده ده لو انت عريانه انا اغطيكي يا ماما ده انا زي ابوك بالظبط
الام 
خلاص بطلوا كلام كثير بقى وانتي يلا قومي ادخلي على المطبخ حضري لنا اكل تحب 
تفطر اي يا حبيبتي
سيد 
جمبري وسمك وشوربه سي فود تعرفي 
تعمليهم ولا اجي المطبخ اعملك
سحر 
شكرا وبعدها دخلت المطبخ وعملت الاكل 
وبرا
الام 
انا سكت على اللي انت عملته الصبح علشان مش عايزه البنت دي تتعود ان انا اكون بكلمك بالطريقه دي بس انت مينفعش تدخل عليها واوضه النوم كده ثاني
سيد 
اي الكلام الغريب ده يا سحر انتي متعرفيش 
عيالك دول زي عيالي بالظبط صحيح 
بالمناسبه عيال مراتي فاطمه عايزين الفلوس 
اللي قولت ليها
الام 
اي ده مش انا قولتلك بطل تقول كلمه مراتي دي هو انت مطلقتهاش زي ما احنا ما اتفقنا ولا ايه
سيد 
عيب عليكي الكلام ده يا روح روحي انتي اول لما قولتيه يطلقها انا رميت عليها يمين الطلاق على طول بس برده مش عايزاك تنسي ان دول عيالي وملزومين مني برده
الام 
وعيالك عيالي ما عنديش مشكله بس هي لا هتدفعلهم هما مصاريفهم مش هتدفع عليها هي جنيه
سيد 
انتي تؤمري يا قلبي والله وفي شقه عمي
مدحت 
برده انت عايز تروح تخطبها يا شريف وانا قولتلك الف مره لا
كوثر 
وحقنا مش هيرجع من مرات اخوك الا بالطريقه دي لازم يتجوز بنتها
مدحت 
والبنت ذنبها ايه بس ذنبها ان هي حبه ابنك ومش قادره تستغنى عنه انا مش موافق اعمل كده في بنت اخويا
كوثر 
بقولك ايه يا حاج اركن انت على جنب وملكش دعوه بالحوار ده خالص سيبني انا وابني نتصرف في الموضوع