رواية جويرية حقي أنا للكاتبة ريحانة الجنة الفصل 5
انت في الصفحة 1 من 4 صفحات
چويرية حقي انا
الفصل الخامس
بقلم ريحانة الجنه
مرت شهور وايام وحذيفة بيتعلق بچوري اكتر ...بقت مسؤليته هو طول ماهو في البيت هو اللي متولي امرها وكل حاجة تخصها...حتي لو تعبت هو اللي بيراعيها هو اللي بيسهر بيها.....هي كمان بقت ما بترتاحش غير معاه ...بقي هو كل حاجة في حياتها ....وفي يوم حذيفة بيذاكر في أوضته بالليل ..وچوري جنبه بتلعب ...دخلت فريدة تدخله شاي واكل لچوري..
حذيفة بص لچوري وابتسم چوري اجمل حاجة حصلتلي...ببص في عنيها بنسي اي تعب...عارفة من وقت ما اتولدت وانا ربنا بيسرلي حاجات كتير...خصوصا بعد مۏت اسامة ودنيا ..مع انها بتشغل وقت كبير عندي بس كل حاجة احسن مذاكرتي وشغلي...كل حاجة متوفق فيها....بالله عليكي يا امي ما تجيش عليها كفاية القدر حرمها من اهلها...هي مالهاش ذنب في اي حاجة...وبعدين ما انتي بتساعديني في تربيتها..هي معاكي طول اليوم وانا برا..انا بس بريحك واخد بالي منها بالليل لحد الصبح علشان انتي تنامي وترتاحي وتقدري تواصلي معاها بالنهار.....
حذيفة ابتسم عارفة همووت وتنطق اسمي ويا سلام لو تقولي يا بابا...
فريدة ملامحها اتغيرت وبان عليها الضيق لا يا ابني مش للدرجة دي..
حذيفة عقد حاحبه ليه يا امي ما انا هبقي زي ابوها وهربيها.
فريدة بعصبية ايوة تربيها بس لما تكبر وتقولك يا بابا والناس تفتكرها بنتك...حالك هيقف كل واحدة تفتكر انك كنت متجوز ودي بنتك...وهنقعد بقي كل حد نشرحله ونفهمه..لا الموضوع بالشكل ده صداع ويجيب مشاكل....تقولك يا ابيه تبقي زي اختك مش بنتك ..
فريدة بتصميم حذيفة ربنا يكرمك ما تعصبنيش...ده انا بستني يوم جوازك بفارغ الصبر... نفسي تتجوز بسرعة اول ما تخلص جامعتك...عايزني اقول للناس دي بنته طب ازاي بس...هي ابيه ومش هتتغير نقول قريبتنا وبنربيها مش بنتك اسمع كلامي .....
مرت الشهور اسرع و حذيفة اتخرج واتفرغ للورشة وكبرها وغيرها ونجح اكتر في شغلة وعلاقاته ...والسنين مرت اكتر وكل يوم حذيفة بيرتبط بچوري..علمها كل حاجة آداب وتربية ومذاكرة...وخصوصا القرآن صمم هو اللي يحفظها..وكبرت چوري وبقت عندها ١٠سنين ..خلال الفترة دي كانت فريدة كل يوم في مشكلة مع حذيفة بسبب تأخيره الزواج ورفضه ليه...وفي يوم كان بيتكلم مع فريدة..
فريدة بدموع لا تفضل كدة حارق قلبي اللي قدك اتجوز وخلف وانت زي ما انت شغل وبس واخرتها ايه ده حتي مايرضيش ربنا.
حذيفة بيهديها يا امي اهدي علشان خاطري...ماانا لحد دلوقتي ما ارتاحتش لعروسة من اللي جبتيهم بروح واشوفها واتقبض مش قادر اكمل وانا كدة افهميني...الزواج علي الاقل محتاج قبول..
فريدة طب وعلا مالها بنت ناس ودكتورة وشارياك من زمان ولامحتلي كتير ..دي فاضل تطلب ايدك..
حذيفة مسح وشه بتعب يا امي علا زي اختي مش عارف
