رواية في حماية صعيدي بقلم اسراء ابراهيم (كاملة)
وابوها الحج منصور وتطلع بالاخلاق دي حقيقي مش عارف
جميلة عيطت اول ما باسل قالها كدة ومقدرتش ترد عليه فسابها ومشي پغضب وهيى بقت ټعيط بحړقة وهي كر٭ها نفسها
كانت فريدة مستنية بدر يخرج من الحمام فكانت رايحة جاية قدام الحمام بتوتر وهي محضرة نفسها انها تتكلم معاه بخصوص كلامها بتاع امبارح فكانت خاېفة يرفض يسمعها فضلت تروح وتيجي وهي متوترة وسرحانة في افكارها ومخدتش بالها من بدر اللي خرج من الحمام وهو بينشف وشه ومش شايف قدامه فخبطو الاتنين في بعض واتفاجأت فريدة ببدر
بدر غمض عنيه وهو مديها ضهره وبعدين رد بجمود نعم رايدة حاچة
فريدة بتردد انا اسفة علي اللي قولتهولك امبارح حقيقي مقصدش
بدر بجمود متاخديش في بالك اني اللي غلطان اني اتدخلت في خصوصياتك
فريدة اتكلمت باندفاع قبل ما بدر يخرج من القوضة علطول عشان خۏفت تطلع زيه
بدر لف وشه باستغراب مش فاهم هو مين ده اطلع زي مين
بدر اضايق من جواه انها جابت سيرة جوزها بس فضوله انه يعرف هي تقصد ايه خلاه يتغاضي عن الموضوع ويبصلها بانتباه
بدر باستغرابكيف يعني خۏفتي اطلع زيه هو كان ماله
فريدة بهروب مش مهم المهم اني حبيت اعرفك ان في حجات في حياتي انت متعرفش حاجة عنها وفضلت اني افضل مخبياها لاني لما بفتكرها بتعب اتمني متزعلش مني يا بدر وتقدر ظروفي
فريدة بغموض اللي لازم تعرفه ان هشام مش سهل ده اقذ٭ر انسان ممكن تقابله في حياتك وممكن عشان يوصل لحاجة يعمل اللي ميخطرش علي بالك
بدر كان مستغرب طريقة كلام فريدة عن هشام و كر٭هها ليه اللي ملوش تفسير لكن سكت وفضل انه ميضغطش عليها تتكلم
فريدة حركت راسها بطاعة وهي مقررة تنفذ خطتها في المعاد اللي اتفقت مع هشام عشان تقابله فيه ورغم انها مړعوپة احسن يعمل فيها حاجة بس لازم تعمل كدة
بعد كام يوم تحت كانت واقفة جميلة قدام امها وبتتحايل عليها وصفاء قاعدة ببرود
صفاء ببرود واني جولت لا يا چميلة انتي خابرة ابوكي واخوكي زين ولو جالهم خبر انك خرﺟتي لحالك هتبجي مشكلة واني مش ناجصة خناج بسببك
جميلة باقناع طيب بصي شيعي معايا عوض الغفير يوصلني واهو ياخد باله مني ايه رأيك
جميلة ببرطمة ياما اني زهجت من موضوع الحبسة دي وخلاص جربت اطفش بسبب اكده
صفاء بصتلها بطرف عنيها بتحذير ومردتش فوطت جميلة باست ايديها وهي بتترجاها
جميلة باصرار ابوس يدك ياما وافجي عشان خاطري اعتبريه اخر طلب ليا انا لازم اشوف سلمي لاخر مرة دي صاحبة عمري
نبيل بابتسامة وهو داخل من باب البيت خير يا جميلة مالك زعلانة ليه
جميلة بحزن بجول لامي تخليني اروح لصحبتي اسلم عليها جبل ما تسافر مش راضية يا عمي
صفاء پغضب وه بتشتكيني يا بت ولا ايه عاد طب يمين بالله
نبيل وهو بيقاطع صفاء من غير حلفان يا ام بدر خليها تروح لصحبتها عشان خاطري انا لو ليا
خاطر عندك
صفاء باحراج خاطرك علي راسي يا حج نبيل بس مينفعش تخرج لحالها اكده الناس تجول ايه
نبيل بابتسامة لصفاء وهو بيشاور علي باسل ابنه اللي لسة داخل من الباب جيت في وقتك يا باسل وصل بنت عمك عند صحبتها عشان متخرجش لوحدها ها ايه رأيك يا ام بدر اهو كدة مفيش عذر بقي
صفاء بضيق عنديك حج خلاص روحي بس اوعاكي تتأخري عشان
ولد عمك اكيد عنديه مصالح يعملها
جميلة اتوترت وبصت لباسل اللي مردش بس كان باين عليه الضيق انه مضطر يوصلها
جميلة بهدوء حاضر ياما هطلع البس ومش هعوج نازلة علطول ربنا يخليك ليا يا عمي
نبيل بابتسامة وحب ويخليكي ليا يا بنت الغالي يلا اطلعي بسرعة غيري
وروحي
كانت واقفة فريدة قدام المراية وهي لابسة ومستعدة عشان تعمل اللي خططت ليه عشان تعرف تخرج من البيت لوحدها وتقابل هشام في المعاد اللي اتفقت معاه عليه فكانت خاېفة اوي بس مجبرة تكمل للنهاية خرجت من اوضتها ونزلت تحت بتردد بس اتوترت من نظرات صفاء
اللي مركزة عليها وهي نازلة لحد ما قربت منهم
صفاء بغموض علي فين اكده يا
