رواية زوجتي من القاصرات

وتقلق كل البيت
الكل كان بيشفق عليها وعلي حالها حتى اخت مازن اللي كانت بتكر”ه حاجه اسمها ورد بقيت تبكي عشانها مفيش حد عارف هى فيها ايه
اطباء وشيوووخ من كل الاماكن اللي حواليهم وكل واحد بيألف حكايه من عنده

زى مااتفقنا مر شهر وهى علي الحال ده لحد ما فاقت وكان مازن جنبها لما صر”خت فضل يهدى فيها عشان تتطمن وتحكى وبالفعل حكيت ليه علي كل اللي حصل معاها من وقت مافتحت الشباك عشان تشوف ضوء النهار لحد ماظهر ليها الكائن عند قبر والدها

كانت حكايه غريبه هو ماصدقهاش ولا دخلة عقله اصلا
لحد ما والده دخل يتطمن عليها ومازن حكى ليه اللي ورد قالته وكان متوقع ان والده هيكذب الكلام ده
لكن والده كان مصدق وبشده كمان

هو انت فعلا مصدق الكلام ده
ومااصدقش ليه ياولدى المق1بر عليها حارس
ماشي بس دى مسلمه وبتصلي وبتقرء قرآن
وماله يا ولدى ما الناس كلها بتصلي وعارفه ربنا المي”تين دول كان فيهم اللي بيخطب في المسجد وغيره وغيره

بلدك دى كلها بتتجمع كل اطان في المساجد اللي في البلد عشان يأدوا فروضهم الخمسه

خلاصة كلامى يا ولدي ان القبور دى ليها وقت تتزار فيه ووقت ماينفعش تروح عندها فيه
وورد ناس اكدت ليا ان ورد كانت كل يوم بعد اذان الفجر مباشرة ً بتروح القبور وتقعد هناك وفي ست كبيره منعتها لكن ماسمعتش كلامها

اييييه وانا كنت فين لما هى بتعمل كدا وفين الناس اللي في البيت

مراتك كانت بتتابعنى لحد مااخرج لصلاة الفجر وتمشي انا شوفتها وهى نازله مره بس قالت هتجهز الفطار وانا قولت ليها تطلع تانى
طب وهنعمل ايه
انا كلمت عمك في مصر وهيجيب شيخ ازهري معاه وان شاء الله خير

يعنى في امل تتحسن

ان شاء الله روح صلي فرضك وادعى ربنا يعديها علي خير

وعشان مانطولش اكتر

وبالفعل عشان مش تروح تانى لان هى مش بيفرق اوى معاها

مازن اخدها معاه مصر عشان تعيش معاه وتكون قدامه وبعيده كمان عن الأذ”ي

انتى هتفضلي في الشقه دى وانا هروح شغلي وأي حاجه هتحتاجيها هتكون عندك وكمان عايزك تهتمي بالمذاكره شويه عشان هتدخلي المدرسه هنا وفي الاجازه نبقي نروح البلد

لا لا مش عايزه اروح هناك
يبقي احسن بردوا المهم انا هروح شغلي دلوقتي ولو احتاجتى حاجه كلميني
حاضر
وماتفتحيش لحد
حاضر
وماتلعبيش في الكهرباء
حاضر
ولا ترسمي علي الحيط
ماتيجي تقعد وانا اروح الشغل مكانك احسن
وبطلي مشاكسه
حاضر
واه صاحبة العماره لو جيت وسألتك عايزه حاجه قولي ليها لا شكرا
اكذب عليها يعنى
يوووووه ماتسمعي الكلام وخلاص

وبيمشي مازن وبعد شويه الباب بيخبط
بتفتح ورد بتلاقي بنت واقفه مشطبه وشها ولبسها حاجه كدا استغفر الله

ورد بتبص ليها كإنها بتصورها
هو انتى من مصر
نعم
ايوه كنت بشوفكم في التليفزيون
وكان نفسي اشوف واحده بس واحده بس قبل ما امو”ت لكن صدق اللي قالها مفيش حد بيمو”ت ونفسه في حاجه

انتى هبل”ه يابت ونفس الغرور سبحان الله الصبر يارب مازن فين مازن مين

مش دى شقته
اه انتى قصدك علي مازن زوجي
زوج مين ياروح. امك