قصه رجل اربعينى ومهندس محترم

السلام عليكم.. أنا راجل أربعيني ومهندس محترم. لظروف عائلية كنت مضطر اتجوز علي مراتي بعلمها. وعلشان احافظ على إحساسها رفضت إني اتجوز انسة وفضلت إني اتجوز سيدة مطلقة وعندها بنت عمرها سنة. وقتها كان سني 35 سنة وهي 26 سنة وعلشان الزوجة الجديدة ست كويسة مكنش عندي مشكلة إني اتكفل بتربية بنتها ومصاريف تعليمها وتعيش معانا على طول. والد الست دي راجل المفروض أنه محترم ومتدين ومحافظ جدًا على صلاته وكذلك باقي الأسرة عندهم. المهم بعد مرور عشر سنوات جواز والحياة مستقرة وهادية كنت محتاج شهادة ميلاد بالكمبيوتر لبنتها وفعلًا رحت السجل وجبتها ومن خلال دردشه غير مقصودة مع الموظف عرفت أن الزوجة الفاضلة كانت متزوجة قبل ابو بنتها وقبلي. يعني أنا كنت ثالث جوازة ليها وأنا طبعًا عارف منهم ومنها ومن الورق أنها كانت

 متجوزة ابو بنتها فقط وأنا قبلت الوضع ده عادي. واجهتها بالمعلومات وما انكرتش وقالت إنه كان كتب كتاب بدون زواج وهي خبت الموضوع ده علشان قديم وخاڤت إني مكملش الجواز لو عرفت. روحت لوالدها قال نفس الكلام ووراني صورة القسيمة وكان الزواج لمدة 3 شهور ومحصلش جواز نهائي وحلف على مصحف وأنا طبعًا كل الكلام ده مش مصدقه ومش داخل دماغي بشلن. وكل اللي بفكر فيه اني اتعر2ضت لغش وتدليس من الأب والزوجة وباقي العائلة عندهم. والمفروض أن كان حقي اعرف وارفض أو أقبل الجواز منها. المهم إني مخلف منها 3 اطفال. وأنا عندي طوفان من الكره والغل والحق2د والكر2اهية ناحيتها وناحية أهلها. انا طلقتها ثأ2را لكرامتي وسبت البيت ومش ناوي أسامح لأن الموضوع ده جاي على كرامتي وعزة نفسي جدًا. وفي جميع الحالات أنا مش هقصر في مصاريف البيت والعيال. لكن فعلًا مش شايف قدامي غير ست ضحكت عليه بتواطؤ مع أهلها وأنا كنت استاهل إنسانة افضل.  ارجو نصايح واقعية والناس تحس بيه لأني فعلًا مخدعتهمش في أي حاجة والله. وللأسف هم إللي خدعوني وحسبي الله ونعم الوكيل