رانيا منصور تكشف تعرضها لشيء سيء في حفل وائل جسار.. تفاصيل
كشفت الفنانة رانيا منصور، عن تعرضها للتحرش خلال حضورها حفل وائل جسار بمدينة نصر بالقاهرة، وذلك خلال تصريحات صحفية لها.
وقالت: إنها تعرضت للتحرش اللفظي وأبلغت الأمن وحررت محضرًا رسميًا، وبعد القبض عليه وحجزه في القسم قررت عدم استكمال الإجراءت والتنازل، بعد محايلات من أسرته وإبلاغها بأنه مختل نفسيًا، فاكتفت بحجزه ليلة في القسم وعدم تصعيد الأمر.
وتابعت: كان تحرش لفظي وما لمسنيش.. ولما حصل كده بلغت الأمن والشخص ركب الأسانسير وكانوا متتبعينه بالكاميرات لحد ما جابوه وقلت لهم عاوزة أعمل محضر رسمي، ومسكوه وبيتوه ليلة في الحجز والإجراءات مشيت رسمية والنياية استدعتني وطلبت استجوابي، وأهله قالوا لي إنه شخص مختل وشكله فعلا مش سوي ومكنش عنده جرأة يلمسني، ولما أهله قالوا لي إنه مش سوي وعرفت إن الإجراءات لو تمت هياخد حكم ولو أثبتوا أنه مريض هيدخل المستشفى وهيتئذي، حسيت أني خدت حقي بأني بيته ليلة في الحجز، ولو كان مد إيده عليا كنت هكمل الإجراءات.
وأضافت: مكنش ينفع أسكت لأني اتأذيت وكان من حقي آخد إجراء قانوني، وكونه مريض نفسي ما يعفهوش، لكني حسيت إني راضية نفسيا أنه يبات ليلة في الحجز وده درس بالنسبة له، مضيفة: ولما أهله قالوا إحنا صعايدة وما يرضناش اللي عمله، قلت كفاية عليه.
وأختتمت: في ناس قالوا لي خلاص اسكتي وأنتي كويسة الحمد لله، قلت لهم أني اتأذيت نفسيًا ولو سبته ممكن يعمل أكتر من كده وأنا شخص كبير وقادرة آخد رد فعل وتخيلت بنتي مكاني، مختتمة: ونصيحتي لأي بنت متسكتش على حقها
يذكر أن آخر أعمال رانيا منصور مسلسل "القاټل الذى أحبنى" من تأليف صلاح عربى، وإخراج عمرو عابدين، وبطولةهانىرمزى، سهير رمزى، صلاح عبد الله، أحمد فؤاد سليم، محمد أبو داوود، لقاء سويدان، وفاء سالم، محسن منصور،دنياماهر، ياسر فرج، عبير منير، ندى عادل، يحيى أحمد، عزوز عادل، هبة الهوارى.
