يتفتح!..بصينا كلنا لبعض وضحكنا..وبقينا كلنا نجري برا البيت..إلا مرات عمي كانت مصممه تدور على عمي..ولكن أمي وعماتي أصروا انها تخرج معانا لحد مافعلا خرجت
وكل واحد فينا رجع على بيته وهو أعصابه تعبانه ومتدمره وحاسين ان اللي حصل ده فيلم هندي!..وبعد مارجعنا بيتنا..كل واحد دخل أوضته بإستثناء انا واخويا الكبير..فضلنا قاعدين في الصاله نفكر في اللي حصل ونلاقيله حل..ولما فشلنا في إيجاد حلول..مكنش قدامنا غير اننا ننام ونشوف هنعمل ايه تاني يوم!..ولما صحيت تاني يوم حكيت ل واحده زميلتي اللي حصل..والحقيقه انها كانت دارسه علم الطاقه الروحانيه..وبعض العلوم اللي معظمنا
ميسمعش حاجه عنها..ولما حكيتلها قالتلي نفس اللي اخويا قاله دي لعنه!..استغربت وقولتلها لعڼة ايه دي..وايه علاقتها ب جدي من الأساس!.. قالتلي ده اللي احنا هنعرفه بعدين..بس ابقى حددلي فاضي امتى وانا هاجي معاك.. عايزه أشوف المكان ده على الطبيعه..قولتلها انا مينفعش أدخل بيت جدي مره تانيه مهما حصل!..قالتلي متخافش انا دارسه علم الطاقه الروحانيه كويس جدا وهقدر اتصرف..ولإن انا الفضول كان زايد عندي شويتين وافقت..
بس اللي كان لازم اعرفه من والدي.. شوية تفاصيل عن حياة جدي سابقا..لحد ماروحتله وقعدت معاه..كان غير مؤهل نفسيا انه يسمعني ولكن انا كنت مصمم!..قالي جدك كان راجل بتاع ربنا ومالوش في أي حاجه من دي..ده كان عالطول ماسك المصحف وبيقرا فيه!.. سألته ازاي بيحصل كل ده وهو كان قريب من ربنا اوي كده.. قالي
معرفش..ومن الواضح فعلا انه مكنش عارف حاجه..لحد ماقومت وكلمت زميلتي وقولتلها ان انا موافق اروح معاها..وبالفعل روحنا.. ولما قابلتها كان معاها شنطه كبيره فيها جهاز صغير اسمه ghostark..وقبل ماكنا هنروح بيت جدي..قررت ان انا اروح المقبر الأول.. وأثناء طريقنا للمقاپر..سألتها انتي ليه مصممه تيجي.. هو في حد بيضحي بحياته عشان حد قالتلي انها عايزه تكتشف الأرواح المتواجده في البيت على الطبيعه..او تكون سبب في اكتشاف لغز وبالنسبالها هيكون انجاز كبير هيفيدها في مشروع تخرجها!
..رغم ان انا مكنتش مقتنع بكلامها ومستغربها جدا إلا انها هتفيدني في كشف اللغز اللي بيدور في دماغي من ساعة اللي حصل..ولما وصلنا ل قبر جدي..قلبي اتقبض!..وكملت طريقي لحد ماوصلت للمقبره اللي جنبه وقولتلها ان المقةةبرة دي المره اللي فاتت عملت أصوات عاليه لدرجة اننا خدنا بالنا منها وقت ډفن جدي..قالتلي انها هتجرب الجهاز ده ولو في حاجه هنعرف!..مشيت معاها للآخر وبعد ماحطت الجهاز وراقبته قالتلي في جن في المقةةبرة دي!.. ضحكت بصوت عالي وقولتلها ماطبيعي المقبر يكون فيها جن!..ايه الجديد يعني..بصيتلي وسكتت متكلمتش ولمت الجهاز ورجعته الشنطه..لحد ماوصلنا ل بيت جدي..وكان البيت كئيب جدا وزي البيوت اللي في أفلام الړعب بالظبط!..ولوهله حسيت انها خاڤت..بس طلع احساسي مش في محله وكملت ووصلت عند الباب..كانت بتبص يمين وشمال بتتفقد البيت من كل ناحيه..لحد ماطلعت المفتاح وفتحت ودخلنا..والغريب هنا ان النور كان قايد!..
مشيت قدام وهى كانت ورايا لحد ماوصلنا عند الأوضه اللي ظهر فيها قبر جدي!..راحت مطلعه من شنطتها ورقه وقلم وابتدت تكتب كلام غريب حسيت انه طلاسم مثلا!..وبعد ماخلصت كتابه رفعت الورقه وبصيت على اتجاه معين في البيت..وقالتليمن هنا..وطلعت على السلم وبصيت علي اوضه معينه وقربت منها..ولما فتحتها ودخلت كانت ضلمه كحل!..وقربت من المكتب وقالتلي دور فيه علي ورقه عليها كتابه باللون الأحمر..لحد مادورت ولقيتها واديتهالها..ولما خدتها كانت بتقارنها بورقه معاها وقالتلي هى دي!.. بص شبهها بالظبط..استغربت وقولتلها انا مش فاهم حاجه.. هو انتي بتعملي ايه
ولسه هتتكلم..لقيت باب البيت بيرن!!..وساعتها جسمي قشعر!..وصاحبتي قالتليهو انت حد يعرف انك هنا.. قولتلها لا طبعا محدش يعرف.. واللي جه في دماغي ان ممكن حد من قرايبنا..ولما روحنا بكل حذر نشوف مين لقيته ابن عمي! اټصدمت وفتحت وكان وشه قلقان جدا وقولتلهانت عرفت منين ان انا هنا
..قاليانت مش اتصلت بيا وقولتلي انك محپوس في البيت ومش عارف تخرج..قولتله محصلش!!!..انت بتقول ايه..ازاي ده حصل..قاليمتهزرش والله ماهو وقت هزار.. انا سيبت اللي ورايا كله وأول مااتصلت بيا جيت علي ملى وشي! .. وبعد جدال كتير مابينا كان بيدور في نفس الدايره وهو إني مش مصدق كلامه..لحد مافتح الموبايل وسمعني الريكورد.. اللي كنت پصرخ فيه وبقوله الحقني انا محپوس
